Hiermee wil ons vir julle baie dankie sê vir die harde werk in die voorbereiding en hantering van stalletjies by die karnaval. Dit is slegs deur elkeen se betrokkenheid en meewerking dat die karnaval as geheel hanteer kon word en suksesvol afgehandel word. Inderdaad voel 'n mens soms om êrens anders te wees, en net ook sommer niks te doen nie. Tog was julle hier en het julle meegewerk ten goede. Dit word uit die hart uit waardeer.
Ons fokus met dankbaarheid ons harte en oё op die Here wat nogeens die hele gebeure geseёn het. Met verwondering besef ons dat die Here vir ons almal goed is in wat Hy ons toelaat om te doen en in die krag wat Hy gee, sowel as die seёn wat Hy daarop laat rus.
As ons kon, het ons vir julle 'n medalje laat slaan.
Mag jul ook nou na die tyd 'n bietjie rus en vrede geniet.
Met waardering.
Groete in Jesus Christus
Frank en Ina
No comments:
Post a Comment